1. Ի՞նչ է պետության կառավարման ձևը և ինչպիսի՞ն է Հայաստանի կառավարման ձևը
Պետության կառավարման ձևը ցույց է տալիս, թե ինչպես է պետությունը ղեկավարում իր գործերը և ում ձեռքում է իշխանությունը։ Ահա հիմնական ձևերը՝
- Նախագահական հանրապետություն: Նախագահը ղեկավարում է երկիրը և կառավարությունը (օրինակ՝ ԱՄՆ):
- Խորհրդարանական հանրապետություն: Իրական իշխանությունն ունի խորհրդարանը և կառավարության ղեկավարը՝ վարչապետը (օրինակ՝ Գերմանիա):
- Կիսանախագահական հանրապետություն: Նախագահը և վարչապետը երկուսն էլ մեծ ազդեցություն ունեն (օրինակ՝ Ֆրանսիա):
- Մենապետություն: Երկիրը ղեկավարում է մի անձ՝ թագավորը կամ թագուհին (օրինակ՝ Մեծ Բրիտանիա):
Հայաստանում
Հայաստանը խորհրդարանական հանրապետություն է։ Վարչապետն է իրականում ղեկավարում երկիրը, կառավարում է և որոշումներ կայացնում։ Նախագահն ավելի շատ խորհրդանշական դիրք ունի՝ կարևոր, բայց քիչ իշխանությամբ։ Վարչապետին նշանակում է Ազգային ժողովը (խորհրդարանը), և կառավարությունը աշխատում է խորհրդարանի հետ։
2. Ի՞նչ է պետության կառուցվածքը և ինչպիսին է այն Հայաստանում
Պետության կառուցվածքը ցույց է տալիս, թե ինչպես են կազմակերպված երկրի ներսում իշխանության մակարդակները՝ կենտրոնական և տեղական։
- Միասնական պետություն: Որոշումները կայացվում են կենտրոնում, և տեղական մարմինները ենթարկվում են կենտրոնական կառավարությանը (օրինակ՝ Հայաստան):
- Ֆեդերացիա: Պետությունը բաժանված է տարբեր մասերի (օրինակ՝ նահանգներ), որոնք ունեն որոշակի անկախություն (օրինակ՝ ԱՄՆ, Ռուսաստան):
- Կոնֆեդերացիա: Ինքնուրույն երկրներ, որոնք որոշ հարցերում միասին են աշխատում։
Լևոն Վարդանյան 