Հայաստանում կան տարբեր կուսակցություններ, որոնք զբաղվում են երկրի կառավարմամբ։ Ազգային ժողովում ներկայումս մանդատ ունեն երեք հիմնական քաղաքական ուժեր՝ «Քաղաքացիական պայմանագիր», «Հայաստան» դաշինք և «Պատիվ ունեմ» դաշինք։ Օրինակ, «Քաղաքացիական պայմանագիր» կուսակցության ծրագրում շեշտվում են ժողովրդավարությունը, որտեղ խոստանում են պաշտպանել մարդու իրավունքներն ու ազատությունը, խթանել տնտեսությունը՝ ներդրումներ ներգրավելով ու աշխատատեղեր ստեղծելով։ Անվտանգությունը ևս առաջնահերթություն է՝ բանակի արդիականացումից մինչև տարածաշրջանային կայունության պահպանում։ Կրթությունն ու առողջապահությունը նույնպես կարևորվում են՝ դարձնելով դրանք ավելի որակյալ և մատչելի։
Քաղաքական գիտակցությունն այն է, երբ մարդ հասկանում է, թե ինչպես է աշխատում պետությունը, ինչ իրավունքներ ու պարտականություններ ունի։ Այն կարևոր է, որովհետև առանց քաղաքական գիտակցության մարդիկ չեն կարող ճիշտ ընտրություն կատարել կամ պաշտպանել իրենց իրավունքները։ Եթե մարդիկ անտարբեր են քաղաքականության հանդեպ, դա կարող է վատ հետևանքներ ունենալ, օրինակ՝ իշխանությունը կարող է աշխատել միայն իր շահերի համար, և ոչ թե ժողովրդի։
Ինչ վերաբերում է իմ քաղաքական գիտակցությանը, ես հասկանում եմ, թե ինչպես է պետությունը գործում, հետևում եմ քաղաքական իրավիճակին և մասնակցում եմ ընտրություններին։ Բայց իմ ակտիվությունը միջին է․ ես կուսակցական չեմ և հաճախ չեմ մասնակցում քաղաքական միջոցառումներին։ Կարծում եմ, որ եթե մարդիկ ավելի ակտիվ լինեն, դա կօգնի երկրին ավելի լավ զարգանալ։
Լևոն Վարդանյան 