Ազգային իրավունքն այն կանոններն են, որոնք գործում են պետության ներսում՝ քաղաքացիների, կազմակերպությունների ու պետական մարմինների միջև հարաբերությունները կարգավորելու համար։ Միջազգային իրավունքը, իր հերթին, պետությունների ու միջազգային կազմակերպությունների հարաբերություններն է կարգավորում։ Ազգային իրավունքը պարտադիր է տվյալ երկրի համար, իսկ միջազգայինը՝ պայմանավորված համաձայնությամբ։
Միջազգային պատասխանատվությունն ունի երկու տեսակ՝ քաղաքական և նյութական։ Քաղաքական պատասխանատվությունը վերաբերում է այն դեպքերին, երբ պետությունը խախտում է միջազգային նորմերը, օրինակ՝ ագրեսիա կամ միջամտություն։ Նյութական պատասխանատվությունը կապված է հասցված վնասի փոխհատուցման հետ, օրինակ՝ գումարային կամ նյութական փոխհատուցում։
Միջազգային իրավունքի կարևոր սկզբունքներն են ինքնիշխանությունը, ուժի չկիրառումը, սահմանների հարգումը, ժողովուրդների ինքնորոշումը, վեճերի խաղաղ լուծումը և պետությունների համագործակցությունը։ Այս սկզբունքները անհրաժեշտ են, որպեսզի պետությունները միմյանց հետ խաղաղ և օրինական հարաբերություններ ունենան։
Լևոն Վարդանյան 